منتدى مدينة الآحلام

منتدى مدينة الآحلام

منتدى دينى ثقافى أجتماعى علمى رياضى
 
الرئيسيةالبوابةاليوميةس .و .جالأعضاءالمجموعاتالتسجيلدخول

شاطر | 
 

 للمتزوجين فقط

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شمس
Admin
avatar

المساهمات : 64
تاريخ التسجيل : 25/12/2015

مُساهمةموضوع: للمتزوجين فقط   السبت يناير 16, 2016 2:57 pm


للمتزوجين فقط.~
هو:- يسبها و هو فى قمة غضبه و يروح ينام ...
هى:- قاعدة لوحدها بتعيطت وفجأه تفتكر حاجه تخليها تقوم تلحقه قبل ما ينام..
،،، دخلت لقته حاطط إيده على عنيه و نايم قالتله :- ممكن أتكلم معاك؟
هو:- إدلها ضهره و قالها :- بعد إذنك أنا مش حابب أتخانق معاكي
هى:- الكلمة خلتها تتخنق فى دموعها بس تمالكت نفسها و قالت :- أنا مش هتخانق ولا هناقشك فى حاجه أنا بس عايزه أقولك حاجه مهمه ،، ممكن؟؟
هو:- قام و بص الناحية التانية و قالها :- إتفضلي
هى:- حاولت تتماسك أكتر و قالت :- ممكن أعرف إحنا عاهدنا بعض على ايه يوم جوازنا ؟؟
هو:- شوفي أنتي ...
هى:- اتفقنا أن هدفنا هو الجنة مش الدنيا ، إننا نرضي ربنا مش نفسنا أو الناس
هو:- من غير ما يبصلها قال :- طب ما أنتي شاطره و عارفه أهو أيه اللي حصل بقى ؟؟!!
هى:- قبل أي حاجه أنا أسفة أني زعلتك مني ، بس أنت عارف أن عمري ما هعمل حاجه وأنا قاصده أزعلك ..
هو:- ساكت و مش عايز يبصلها
هى:- قامت تقعد قصاده و بصتله و عنيها كلها دموع و قالت:- يرضيك ربنا و ملايكته تلعني ؟! ،، طب يرضيك أبواب الجنة كلها تتقفل فى وشي؟!
،،، و إنفجرت بالدموع
هو:- فى اللحظه دي فرح من قلبه أووي مش علشان ميته من العياط قدامه أبدآ ،، علشان ربنا كرمه بزوجة صالحه عارفة يعني ايه غضب ربنا و خايفه منه و مش عايزه غير رضاه و جنته و عارفه أن دا مش هيحصل لو جوزها غضب عليها لأنه هو بابها للجنة
،،، و هو عارف أنه لوعايز يموتها دلوقتي هيقولها أنا مش راضي عنك
هو:- مقدرش يستحمل دموعها أكتر من كدا أخدها جنبه و مسحلها دموعها و قالها :- خلاص أنا مش زعلان منك ، خلاص بقى كفايه عياط
هى:- بصتله و قالت من بين دموعها :-طب قول أنك رضيت عني
هو:- قبل جبنها و قالها :- والله رضيت و هفضل راضي مهما حصل
هى:- بعد ما هديت شوية رجعت تعيط أكتر وقالت :- ربنا يسامحك
هو:- !!!! لا إله إلا الله !!! أنا عملت أيه دلوقتي ؟؟!!
هى:- علشان عارف غيرتي عليك عامله إزاي ومع ذلك مرعتهاش
هو:- غيرت ايه ؟ أنا مش فاهم حاجه ؟؟؟
هى:- زمان الحور العين قعدوا يقولوا دا ضيف عندك لحد ما يجلنا زعلانين عليك ...
هو:- ،، عارفه يا حببتي ايه أكتر حاجه أنا بحمد ربنا عليها ؟
هى:- أيـــــــــــــــــه ؟؟
هو:- أن فى الجنة مش هيكون جوانا أي مشاعر حقد او غل أو غيره ، و إلا كان زمانك قتلتي الحور العين اللي حيلتي هههههه ..
هى:- آآآآآآآآآآآآآهـ
،،، أستنوا قبل ما تمشوا هى و هو عايزين يقوللكم حاجه
هى:- أووعي فى يوم تسيبي جوزك ينام زعلان منك بلاش تستهوني بالموضوع دا و بلاش الشيطان يدخلك من مدخل كرمتي وانا أصالحه ليه هو اللي غلطت مش أنا ،، حتى لو هو اللي غلطان روحي صلحيه أنتي صدقيني هتكبري فـ نظره أووي وبعدين فى وقت تاني ممكن تعاتبيه بكل حب و أحترام دي الجنة يا بنتي
قال النبي صلى الله عليه وسلم قال: "لو كنت آمراً أحدا أن يسجد لغير الله تعالى لأمرت المرأة أن تسجد لزوجها والذي نفس محمد بيده لا تؤدي المرأة حق ربها حتى تؤدي حق زوجها كله حتى لو سألها نفسها وهي على قتب لم تمنعه" [قال الشوكاني إسناده صالح].
هو:- لما يحصل بينكم مشكلة و توصل لقمة غضبك أبعد عنها ، أحبس نفسك فى أوضه ، أنزل ، المهم متخليش الشيطان يشعللها بينكم أكتر من كدا و لما تهدا لو غلطان روح و صالحها دا عمره ما هيقلل منك او من رجولتك بالعكس انت هتعلى فى نظرها أكتر و لو غلطانه عرفها غلطها بهدوء لأنك قبل أي شئ أنت أبوها ولازم تعرف الصح من الغلط منك
،،،عن جابر رضي الله عنه أن رسول الله صلى الله عليه وسلم قال ((إنّ الشيطان ينصب عرشَه على الماء, ويبثّ جنوده فيأتيه الواحدُ ويقول: ما زلتُ بفلان حتى فرّقت بينه وبين أبيه أو بينه وبين أمّه أو أخيه, يقول: ما فعلتَ, يوشِك أن يصالحه. ويأتيه آتٍ ويقول: ما زلتُ بفلان حتى فرّقت بينه وبين امرأته, قال: فيدنيه ويضمّه إليه ويقول: أنتَ وأنت وأنت))


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
للمتزوجين فقط
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مدينة الآحلام :: الفئة الأولى :: منتدى عالم حواء :: كل مايهم الآسرة-
انتقل الى: